Okay. Obviously, dito rin ako nag-aaral. So magbibigay ako ng kung anong meron sa paaralan na ito at ilang tips para makasurvive mga freshy dito.
3 P’s. Payong. Pamaypay. Panyo. Ito talaga ang mga bagay na dapat hindi mo maiwan sa inyo. Kung mabilis kang pawisan at conservative ka sa balat mo, kakailanganin mo yan araw-araw. Bonggang protesyon yan laban sa bonggang init, bonggang ulan, at bonggang pawis. Nagpapanatili yan ng fresh look sayo.
Wag mahihiyang magtanong. Nung una kong pasok sa aming sintang paaralan, naligaw talaga ako. At yang skill na yan ang ginamit ko. Wag ka mahiyang magtanong, kasi lahat ng tao dyan, madaling lapitan. Kahit sinong tanungin mo dyan, sasagutin ka naman ng matino. Walang snabero’t snabera dyan. Kung natyempuhan mo kong tanungin sa free time ko, ihahatid kita sa hinahanap mong lugar. Pero mas mabuting sa guard ka na agad magtanong para sure ka.
Biglang lapit at makikipag-usap. Alam kong pers taym mo dun, pero sinasabi ko na agad sayo na wag kang matatakot sa mga taong biglang lalapit sayo at kakausapin ka. Ilan dyan yung mga myembro ng isang organisasyon, mga aktibistang ibabahagi sayo ang mga hinanaing nila tungkol sa budget at sistema ng paaralan natin, mga members ng isang religous group na nais kang bahagian ng pagmamahal ng Diyos, at siyempre, mga kapwa mo freshman. Bukod dyan, wala na akong iba pang kilala. Minsan, lumalapit sila sa mga taong mag-isa o pumapasok sila sa klaseng walang guro. Sinabi ko wag kang matakot, pero hindi ko sinabing wag kang mag-ingat.
Ang very very nice na ingay sa tapat ng A.R.O (Administration Registrar’s Office, di ko na matandaan kung tama ba to). Sila po yung mga aktibista ng ating paaralan. Ngayon, nandun ang mga dating janitors na nagrereklamo sa administrasyon ng paaralan natin. Hayaan nalang sila. May karapatan din sila sa paaralan na iyon. Pagpasensyahan mo nalang din kung maiistorbo ka nila sa pagbabasa mo ng libro o kung anuman. Kung hindi ka sanay sa ingay, pwes sanayin mo na ang sarili mo ngayon palang.
Laging gutom? Laging uhaw? Alam ko maraming ganitong studyante saan mang paaralan. Sa mga bagong PUPians, marami po tayong canteen. Nasa ground floor (North wing at sa West wing ata, meron din sa south wing). Ah basta, sa buong ground floor, nandun ang bonggang tindahan ng pagkain. Meron din pala banda sa 4th floor. At dahil PUP yun, bonggang low price ang bilihin. May tinatawag kaming ATM (Automatic Tubig Machine), piso lang, solb na ang uhaw mo. Nakakalat yan sa buong campus. At kung nasa 6TH Floor ka, wag ka pa ring mag-alala. Merong mga ale na naglalako sa bawat rooms. Kaya okay lang kahit hindi ka na bumaba.
Pag bored at mahaba ang break. Subukan mong maglibot sa buong school. Ifamiliarize mo na ang bawat rooms na papasukan mo. Yung location ng clinic kung sakaling may maramdaman kang hindi maganda sa sarili mo. Ang bawat C.R. sa bawat floors (haha, para lang alam mo kung saan tatakbo pag bigla kang tinatawag ng kalikasan). Ang library. Ang offices ng magiging Profs mo. Wag ka mag-alala, sa dami ng nakadikit sa malayang paskilan sa iba’t ibang floors, palagay ko mababawasan ang boredom mo. Madami ring doodles, conversations, drawings, posters pati mga pick up lines sa pader, sa arm chairs, sa kalsada. Halos saan ka tumingin, may mababasa ka. Yung iba, benta talaga. Masarap din manuod ng basketball game sa Gym/open court o lawn tennis sa open court. Meron din nagfi-frisbee at baseball sa Oval ng PUP. So ayun.
Ayun. Sana makatulong to sa mga bloggers na freshy ng PUP STA.MESA. BOW. WELCOME PO SA LAHAT NG MGA BAGONG ISKOLAR NG BAYAN!
ninjatetel asked:
